Türkiyə daxili işlər naziri Süleyman Soylu Yunanıstana aid gəminin miqrantların üzərinə benzin tökərək yandırmağa çalışdığı görüntüləri paylaşıb. Aktual.ge "TrtHaber"ə istinadən xəbər verir ki, nazir paylaşımda Yunanıstan Sahil Təhlükəsizlik Qüvvələrinin miqrantları Türkiyə tərəfinə qovduğunu bildirib. “Yunanıstanın insanların üzərinə benzin tökərək yandırmağa çalışması Avropanın gözü qarşısında qətliam törətməkdir. Avropa Yunanıstanı əzizləməyə və baş verənlərə səssiz qalmağa davam etdikcə, bu hadisələrin təhrikçisi kimi tarixə düşəcək”, – nazir vurğulayıb.