Vitse-spiker
29.07.2021 20:17
252
Siyasət
A
Vitse-spiker "Gürcü Arzusu"nun 19 aprel müqaviləsindən niyə ayrıldığına AYDINLIQ GƏTİRDİ

"Əsas müxalifət partiyası və radikallaşmanın əsas mənbəyi 100 günə çatanda, Mişel razılaşmasına qoşulmadıqda və prosesin radikallaşmasını dayandırmayanda hakim partiyaya qarşı heç bir töhmət ola bilməz".

Aktual.ge xəbər verir ki, bunu Parlamentin vitse-spikeri Arçil Talakvadze deyib.

Onun sözlərinə görə, yalnız "Gürcü Arzusu" müqavilə ilə bağlı öhdəliklərini tam şəkildə yerinə yetirib və nəticədə birtərəfli xarakter alıb və bu, müqavilə ideyasına ziddir.

“115 millət vəkilinin imzaladığı müqavilə həqiqətən ləğv edildi, lakin unutmamalıyıq ki, 115 deputatdan 84-ü çoxluğun üzvüdür. Dörd müxalif siyasi qurum və müxalif millət vəkillərinin əksəriyyəti bu sənədi imzalamadı. Üstəlik, "Milli Hərəkat" vəziyyəti depolarizasiya etmək üçün nəinki addımlar atdı, həm də prosesi daha da radikallaşdırmaq, mübahisə səviyyəsini artırmaq və dezinformasiya maşını tam işə salmaq üçün bu sənəddən istifadə etdi. 

Prezident Mişelin razılığı ilə başa çatan 2020-ci il parlament seçkiləri və sonrakı siyasi danışıqlar, parlamentdə çoxpartiyalı təmsilçiliyi təmin etdi və "Milli Hərəkat"ın müxalifət üzərində inhisarına son qoydu. "Gürcü Arzusu" adlı siyasi komandamız gələcəyə yönəlib və ictimaiyyətin dəstəyi ilə növbəti qələbəyə hazırdır",-deyə A.Talakvadze özünün "Facebook" səhifəsində qeyd edib.

Spikerin sözlərinə görə, növbəti vacib addım ədalətli və təkmilləşdirilmiş qaydalarla şəffaf, ədalətli və rəqabət mühitində keçiriləcək özünüidarəetmə seçkiləri olacaq.

Məlumat üçün bildirək ki, 28 iyul tarixində hakim "Gürcü Arzusu" partiyası bu il aprelin 19-da müxalifətin bir hissəsi ilə imzaladığı siyasi razılaşmadan çıxıb. İqtidar partiyasının lideri sözügedən razılaşmaya müxalifətin riayət etməməsini əsas göstərərək tərəflərindən müqavilənin ləğv edildiyini vurğulayıb.

19 aprel müqaviləsi nə idi?

İqtidar-müxalifət razılaşmasından sonra Gürcüstanda 2020-ci ilin noyabrından davam edən "siyasi böhran" başa çatıb. Belə ki, parlamentə seçilmiş müxalifət nümayəndələri qanunverici orqanın boykotunu dayandırıblar. Sənədin bir bəndinə qeyd olunub ki, hakim “Gürcü Arzusu” bu ilin okyabrında yerli idarəetmə orqanlarına keçiriləcək seçkilərdə 43%-dən az səs toplayarsa, ölkədə növbədənkənar parlament seçkiləri təyin olunmalıdır.

ŞƏRH YAZ
11