Marneulidə fəaliyyət göstərən “Çay Evi” şahmat kursunun tələbələri Gürcüstan Şahmat Federasiyasının təşəbbüsü ilə keçirilən kateqoriya yarışlarında iştirak ediblər.

SOCAR tərəfindən dəstəklənən layihənin rəhbəri Emin Əhmədov Aktual.ge-yə bildirib ki, məktəblilər dekabrın 17-18-də keçirilən V kateqoriya yarışlarında mübarizə apardılar.

Yarışda “Çay Evi" şahmat kursunun 28 üzvü iştirak edib. Onlardan 12-si növbəti mərhələyə vəsiqə əldə edib.

Kursun tələbələrindən Hüseyn Muradov birinci, Tahir Allahverdiyev ikinci, Rəvan Abdullayev isə üçüncü yerə sahib olublar.