Bu gün, 14 yanvar tarixində Gürcüstan Azərbaycanlıları Konqresinin Marneulidəki ofisində Gürcüstanın Dövlət Bayrağı günü qeyd olundu.

Aktual.ge xəbər verir ki, region ziyalıları qarşısında çıxış edən Gürcüstan Azərbaycanlıları Konqresinin sədri Hüseyn Yusubov Dövlət Bayrağı günü münasibətilə tədbir iştirakçılarını və ölkə vətəndaşlarını təbrik edib.

O, həmçinin Gürcüstan Bayrağının yaxın gələcəkdə Abxaziya və Çxinvalidə də dalğalanacağına böyük inam bəslədiyini bildirib.

Tədbirdə çıxış edən ziyalılar bayraq sevgisinin nə gədər vacib və incə hiss olduğunu vurğulayıblar.