Kvemo Kartli bölgəsinin Qardabani rayonunda yerləşən 3 saylı azərbaycandilli məktbədə yanğın olub. Aktual.ge xəbər verir ki, bu barədə ölkənin Fövqəladə Halların İdarə oluması Xidmətindən bildirilib. Əraziyə yanğınsöndürmə briqadaları cəlb olunub. Yanğın 4 mərtəbəli binanın ikinci mərtəbəsində yerləşən otaqda baş verib. Müəllimlər və şagirdlər məktəb binasından təxliyə edilib. Hadisə zamanı xəsarət alan olmayıb. Qeyd edək ki, məktəb 2010-cu ildə əsaslı təmir edilib.