"Ukrayna parlament-prezident respublikasıdır və hakimiyyət dövlət rəhbərlərindən birinin mümkün ölümü zamanı müxtəlif variantları nəzərdən keçirir".

Aktual.ge xəbər verir ki, bu sözləri Ukrayna Prezidenti Vladimir Zelenski deyib.

“Qanunvericiliyə görə, ölkəni idarə edəcək şəxs var. Biz hazırıq və bölünmüşük. Mən, baş nazir, parlament spikeri... Əgər bu, və ya digər formada itki olsa, biz bu prosesə hazır olacağıq. Nazirlər Kabinetini iki yerə ayırmışıq ki, ölkə hətta belə hallarda da qoruna bilsin”, - deyə Zelenski qeyd edib.

Məlumat üçün bildirək ki, Zelenskiyə bir neçə dəfə rus kəşfiyyatının ona mümkün sui-qəsdi ilə bağlı suallar ünvanlanıb. Ukrayna lideri hər dəfə bu sualları zarafatyana şəkildə cavablayıb.