Tbilisidə Çinçadze küçəsində yerləşən 14 mərtəbəli binanın 5-ci mərtəbəsində yanğın baş verib. Aktual.ge xəbər verir ki, bu barədə məlumat Təcili Yardım Xidməti tərəfindən yayılıb. Verilən məlumata əsasən, yanğın eyvanda baş verib.Xoşbəxtlikdən hadisə nəticəsində xəsarət alan olmayıb.Hadisə yerinə cəlb olunan yanğınsöndürmə xidməti yanğını qısa müddət sonra söndürə bilib. Yanğının səbəbi isə hələlik məlum deyil.