Saqareco Bələdiyyəsinin mərkəzində dünən gecə bir nəfər əqli qüsurlu insanın silahlı hücumu zamanı həlak olanların xatirəsinə anım mərasimi keçirilib.

Aktual.ge xəbər verir ki, yerli və ətraf sakinlər şəhərin mərkəzi meydanında toplaşıb, şamlar yandırıb və güllər-çiçəklər buraxıblar.

Xatırladaq ki, yanvarın 20-də gecə saatlarında Saqarecoda silahlı şəxs yaşayış binalarından birinin eyvanından odlu silahdan vətəndaşlara atəş açıb. Biri polis olmaqla 5 nəfər həlak olub. Daha 5 nəfər yaralanıb, hücum edən şəxs özünü də öldürüb.