Qardabanidə fəaliyyət göstərən “BEEZ” Uşaq Teatrında Abdulla Şaiqin uşaqlar üçün yazdığı "Çoban" pyesi əsasında hazırlanmış tamaşanın premyerası baş tutub.

Aktual.ge xəbər verir ki, teatrın kiçik aktyor və aktrisaları  öz rollarını məharətlə ifa edərək tamaşaçıların sürəkli aqışlarına layiq görülüblər.

Tamaşaçılar əsasən müəllimlər, valideynlər və sənət adamlarından ibarət olub.

Qeyd edək ki, "Çoban" tamaşası noyabrın 26-sı Tbilisidə yerləşən Mirzə Fətəli Axundovun ev muzeyində də nümayiş etdiriləcək.