Paytaxt Tbilisinin əsas simvollarından biri olan və yüksəkliyi 275 metrə olan televiziya qülləsi Azərbaycan bayrağının rəngləri ilə işıqlandırılıb. Aktual.ge xəbər verir ki, teleqüllə 18 oktyabr - Azərbaycanın Dövlət Müstəqilliyinin 29-cu ildönümü münasibətilə axşam saatlarından etibarən göy, qırmızı və yaşıl rənglərdə işıq saçmağa başlayıb. Aktual.ge xəbər portalına Tbilisi Meriyasından verilən məlumatda qeyd olunub ki, Tbilisi Meriyası Müstəqillik Gününü və dost və tərəfdaş ölkələrin digər vacib tarixlərini qeyd etmək üçün ənənəvi olaraq Tbilisi qülləsini dövlət bayraqları rənglərində işıqlandırır.