“Biz oxşar qanun layihələrini təkcə Kremldə deyil, digər respressiv hökumətlərdə də görmüşük. Qanun layihəsi elan edilmiş məqsədə - şəffaflığa uyğun gəlmir”.

Aktual.ge xəbər verir ki, bunu ABŞ Dövlət Departamentinin sözçünün müavini Vedant Patel deyib.

Jurnalist Aleks Raufoğlu Vedant Pateldən Gürcüstanda Rusiya qanununun müəlliflərinin ABŞ-a daxil ola bilməyəcəyi ehtimalının olub-olmadığını soruşub. O isə belə cavab verib:

“Biz dünən bu barədə kifayət qədər sərt danışdıq. Birinci oxunuşda qəbul edilən bu qanun layihəsi, xüsusilə vətəndaş cəmiyyəti və media təşkilatlarını hədəfə alma və damğalama yolları bizi çox narahat edir. Düşünürük ki, onlar istənilən demokratik sistemin sütunlarıdır. Biz vəziyyəti diqqətlə izləyirik, etirazları diqqətlə izləyirik və hər iki tərəfi azadlığa, dinc toplaşmalara və təmkinli olmağa, eskalasiya və zorakı hərəkətlərdən çəkinməyə, qaydalara riayət etməyə çağırırıq.

Mən Rusiya ilə bağlı hipotetik [Sanksiyalarla bağlı] məsələlər haqqında fikir bildirmək  istəmirəm. Biz Kreml tərəfindən və təkcə Kreml tərəfindən deyil, digər repressiv hökumətlər tərəfindən də vətəndaş və media təşkilatlarını ləkələmək və sistematik şəkildə repressiya etmək üçün istifadə etdiyi oxşar qanun layihələrini görmüşük. Düşünürük ki, bu cür qanun layihəsi elan edilmiş məqsədə, şəffaflığa uyğun gəlmir”,- Patel deyib.

Xatırladaq ki, bundan əvvəl ABŞ Dövlət Departamentinin sözcüsü Metyu Miller belə demişdi: "Gürcüstan parlamentinin Kremldən ilham alan “xarici təsir” qanunvericiliyi ilə irəliləmək qərarından dərin məyus olduq"

Məlumat üçün bildirək ki, 3 aprel tarixində hakim "Gürcü Arzusu" partiyası tərəfindən irəli sürülən "Xarici təsirin şəffaflığı haqqında" qanun layihəsi ilə bağlı ABŞ Dövlət Departamenti bununla 10-cu bəyanatını verib.