İsrailin müdafiə naziri Yoav Qalant Livanda "Hizbullah"a qarşı hərbi əməliyyatın növbəti mərhələsinin tezliklə başlanacağını açıqlayıb.

Aktual.ge xəbər verir ki, bu barədə o, "X"də (keçmiş "Twitter") yazıb.

Onun sözlərinə görə, əməliyyat "Hizbullah"ın davamlı atəşi nəticəsində İsrailin şimalındakı sərhəd yaşayış məntəqələrinin təxliyə edilmiş sakinlərinin geri qayıtması üçün şəraitin yaradılmasına yönəlib.

"Qarşıdurma xəttində icma başçıları ilə görüşdə vurğuladım ki, "Hizbullah"a qarşı müharibənin növbəti mərhələsi tezliklə başlayacaq və bu, məqsədə çatmaqda mühüm amil olacaq. Müharibənin məqsədi şimal sakinlərinin öz evlərinə qayıtmasıdır", - Qalant söyləyib.