"Bidzinayla Vidalaşaq"- Müxalifət Tbilisidə izdihamlı mitinq keçirir "Vahid Milli Hərəkat Birləşmiş müxalifət üzvləri və tərəfdarları Respublika Meydanından Azadlıq Meydanına doğru irəliləyərək "Bidzinayla Vidalaşaq" adlı aksiya keçirir. Aktual.ge xəbər verir ki, sözügedən birləşmiş müxalifətin təşkil etdiyi mitinqə bölgələrdən də partiya tərəfdarları qatılıb. Tbilisinin Respublika meydanından başlayan yürüyüş Azadlıq Meydanında qurulmuş səhnənin yanında davam etməyə başlayıb. Hazırda müxalif liderler aksiyaya qatılanlara xitab edirlər. Qeyd edək ki, VMH bununla seçki qabağı mitinqlərini sonlandırır. Məlumat üçün bildirək ki, izdihamlı aksiya hazırda davam edir.