Bu gün Gürcüstanda parlament seçkiləri keçirilir – ölkə üzrə bütün seçki məntəqələri saat 08:00-də açılıb və 20:00-da bağlanacaq.

Bu barədə Aktual.ge xəbər verir.

MSK-nın məlumatına görə, 26 oktyabr seçkiləri üçün ümumi seçici sayı 3 milyon 508 min 294 nəfərdir, onlardan 3 milyon 113 min 747 nəfər elektron üsulla səsvermədə iştirak edəcək. Məlumdur ki, bu il ilk dəfə olaraq 135 min 922 gənc seçkilərdə iştirak etmək imkanı əldə edəcək. 

MSK-nın daşınan qutu xidmətinə 64 min 238 seçici müraciət edib.

Xaricdə yaradılmış seçki məntəqələrində xüsusi siyahılara 95 min 910 seçici qeydiyyata alınıb ki, bu da miqrantlar üçün misli görünməmiş rəqəmdir.

Həmçinin məlumdur ki, ümumilikdə Gürcüstanda və xaricdə 3 min 111 seçki məntəqəsi açılacaq – bunlardan Gürcüstanda 2 min 44 məntəqə olacaq, o cümlədən 12-si penitensiar müəssisələrdə, 1-i isə psixi sağlamlıq mərkəzində yerləşdiriləcək. Xaricdə isə 42 ölkənin 53 şəhərində ümumilikdə 67 seçki məntəqəsi açılacaq.

Bugünkü seçkiləri misli görünməmiş sayda müşahidəçi izləyəcək. Bu gün üçün Gürcüstana bir çox beynəlxalq nümayəndə heyəti gəlib. Həmçinin seçki prosesini yerli qeyri-hökumət təşkilatlarının nümayəndələri və vətəndaş cəmiyyəti də müşahidə edəcək.

Eyni zamanda, qeyd edək ki, səsvermə məxfidir və heç kim heç vaxt sizin seçiminizi öyrənə bilməz.