Xarici əlaqələr üzrə ekspert Tenzig Pxaladzenin sözlərinə görə, ABŞ-da keçirilən prezident seçkilərində Donald Trampın qalib gəlməsi ilə Gürcüstan üçün heç nə dəyişmir, çünki Gürcüstan “obyekt rolunu mənimsəyib və artıq subyektivliyə can atmır".

Aktual.ge xəbər verir ki, o, özünün "Facebook" səhifəsində ABŞ-da keçirilən Prezident seçkilərini şərh edən paylaşımında qeyd edib ki, Gürcüstan anti-Amerika ölkələri ilə “flirt etməyə” davam edərsə, Trampın reaksiyası demokratların hakimiyyəti dövründəkindən daha sərt olacaq.

“Bizə nə xoş gəlir, nə də pis! Bizim üçün heç nə dəyişmir və dəyişməzdi, çünki obyekt rolunu mənimsəmişik və artıq subyektivliyə can atmırıq.

Əgər anti-Amerika ölkələri ilə flirt etməyə davam etsək, Trampın reaksiyası demokratların hakimiyyəti dövründəkindən daha sərt olacaq! Davam etməsək və artıq baş vurduğumuz şeylərə görə cavab verməli olarıq.

Tramp da, Amerika da, dünya da bir yol tapıb öz başını saxlayar. Bizim isə nə edəcəyimizi düşünməyimiz lazımdır!” - Tengiz Pxaladze qeyd edib.

Qeyd edək ki, ABŞ-ın 47-ci prezidenti Donald Tramp oldu. Bu barədə "Fox News" məlumat yayıb. "Fox News"un verdiyi məlumata görə, Respublikaçılar Partiyasının prezidentliyə namizədi Donald Tramp 277 seçici kollegiyası səsi qazanıb, Demokratlar Partiyasının namizədi Kamala Harris isə 226 səs.