Bolnisi Bələdiyyəsinin Mamxuti (Saraçlı) kənd sakinlərinin sözlərinə görə, son 6 ildə kənddə 300-ə yaxın mənzildə oğurluq hadisəsi baş verib.

Sakinlər polisin bu hadisələrə laqeyd yanaşdığını və cinayətlərin intensiv şəkildə araşdırılmadığını bildirirlər.

Onların sözlərinə görə, kənddə baş verən oğurluq, qətl və digər cinayətlərin heç biri araşdırılmadan ört-basdır edilir. Vətəndaşlar artıq kənddə qorxu içində yaşadıqlarını ifadə edirlər.

Müvafiq məsələ ilə bağlı Daxili İşlər Nazirliyinin Mətbuat xidməti ilə əlaqə saxlamağa çalışsaq da, cavab verilməyib.

Daha ətraflı video süjeti təqdim edirik: