Marneuli Bələdiyyəsinin Sadaxlı kəndində ölümlə nəticələnən yol-nəqliyyat hadisəsi baş verib.

Aktual.ge xəbər verir ki, iki avtomobilin toqquşması ilə nəticələnən qəza zamanı gənc oğlan ağır xəsarət alıb.

23 yaşlı gənc oğlan dərhal klinikaya çatdırılsa da, həkimlərin müdaxiləsinə baxmayaraq, onun həyatını xilas etmək mümkün olmayıb.

Faktla bağlı araşdırmalara başlanılıb. 

Hüquq-mühafizə orqanlarının əməkdaşları hadisənin səbəblərini müəyyənləşdirmək üçün ərazidə istintaq aparır.