2025-ci il 1 iyun tarixinə olan məlumata görə, Gürcüstanda qumar oyunları fəaliyyəti ilə məşğul olan 1 038 şirkət qeydiyyatdan keçib. 

Aktual.ge xəbər verir ki,  bu barədə məlumatı Milli Statistika Xidməti BPN-ə təqdim edib.

Məlumata görə, hesabat dövrünə qeydiyyatdan keçmiş biznes subyektləri arasında yalnız 137 şirkətin aktiv statusu olub.

Bununla yanaşı, ötən illə müqayisədə qumar oyunları ilə məşğul olan aktiv şirkətlərin sayı 1 vahid, 2023-cü illə müqayisədə isə 4 vahid azalıb.

Daha dəqiq desək, 2020–2025-ci illər ərzində qumar oyunları ilə məşğul olan qeydiyyatdan keçmiş və aktiv statuslu şirkətlərin sayı belə olub:

2020-ci il – 984 qeydiyyatdan keçmiş şirkət (126 aktiv);

2021-ci il – 1 014 qeydiyyatdan keçmiş şirkət (116 aktiv);

2022-ci il – 1 035 qeydiyyatdan keçmiş şirkət (126 aktiv);

2023-cü il – 1 045 qeydiyyatdan keçmiş şirkət (141 aktiv);

2024-cü il – 1 042 qeydiyyatdan keçmiş şirkət (138 aktiv);

2025-ci il, 1 yanvar tarixinə – 1 038 qeydiyyatdan keçmiş şirkət (137 aktiv).

Bundan əlavə, Statistika Xidmətindən təqdim olunan məlumatda qeyd olunub ki, 2024-cü ildə (ilkin məlumatlara görə) dövriyyəsi ən yüksək olan qumar oyunları şirkətləri beşliyi aşağıdakı kimidir:

MMC “Lider-Bet Slot”

MMC “Europabet”

MMC “Mars”

MMC “Aviator”

MMC “Full House”

Qeyd: Şirkətlər dövriyyə həcminə görə sıralanmayıb.