Şida Kartli bölgəsinin Qori Bələdiyyəsinə bağlı Xeltubani kəndində hüquq-mühafizə orqanlarının əməkdaşlarına hücum edilib.

Aktual.ge xəbər verir ki, bu barədə Daxili İşlər Nazirliyi məlumat yayıb.

Məlumata görə, hadisə nəticəsində  3-ü soyuq silahla yaralanmış, ümumilikdə 4 asayiş keşikçisi yaralanıb və xəstəxanaya yerləşdirilib.

Bildirilib ki, polis əməkdaşları xidməti vəzifələrini yerinə yetirərkən texniki baxış üçün bir avtomobili saxlayıblar. Məlum olub ki, nəqliyyat vasitəsini 2009-cu il təvəllüdlü azyaşlı S.S. sürürmüş və onun sürücülük vəsiqəsi olmayıb.

Polisin qanuni müdaxiləsinə qarşılıq olaraq S.S. və bir neçə şəxs hüquq-mühafizə orqanı əməkdaşlarına müqavimət göstərərək fiziki güc tətbiq edib. Nəticədə 3 polis əməkdaşı müxtəlif dərəcəli bədən xəsarətləri alıb, digər biri də yaralanıb, onlardan bəziləri soyuq silahla yaralanıb. Hazırda yaralı polis əməkdaşlarına xəstəxanada tibbi yardım göstərilir.

Hadisəyə görə 1979-cu il təvəllüdlü G.S., 1989-cu il təvəllüdlü S.S. və 1961-ci il təvəllüdlü V.S. barəsində Gürcüstan Cinayət Məcəlləsinin 353-cü maddəsinin ikinci bəndi (polis əməkdaşına qarşı zor tətbiq etmə) üzrə cinayət işi başlanıb.

Daxili İşlər Nazirliyindən qeyd olunub ki, hüquq-mühafizə orqanlarının əməkdaşlarına qarşı hər hansı hücum qanun çərçivəsində sərt şəkildə cavablandırılacaq.