"Biz müxalifət liderlərinin qeyri-proporsional hüquqi prosedurlar nəticəsində saxlanılmasını qınayırıq".

Aktual.ge xəbər verir ki, bunu ATƏT-in fəaliyyətdə olan sədri, Finlandiyanın xarici işlər naziri Elina Valtonen Tbilisi Gürcüstan XİN rəhbəri ilə birgə keçirdiyi mətbuat konfransında bəyan edib.

Onun sözlərinə görə, görüş çərçivəsində həmçinin ciddi məsələlər səsləndirilib, o cümlədən “məhdudlaşdırıcı qanunvericilik” haqqında danışılıb. Bu qanunvericilik vətəndaş cəmiyyətinə, media nümayəndələrinə və jurnalistlərə aiddir və demokratik idarəetməyə təsir edən məsələləri əhatə edir.

ATƏT sədrinin bəyanatına görə, Gürcüstanda ifadə və toplaşma azadlığı sual altındadır.

“Gürcüstandakı həmkarım, xanım Makaya Tbilisidə ATƏT sədr ölkəsinin nümayəndəsi kimi göstərdiyi səmimi qəbula görə təşəkkür edirəm. ATƏT, Gürcüstanın hadisələrin qarşısının alınması və insidentlərin idarə olunması mexanizmləri çərçivəsində keçirilən Cenevrə beynəlxalq müzakirələrində davamlı iştirakını yüksək qiymətləndirir. Bizim üçün bu prosesdə fəal əməkdaşlığın və iştirakın davam etməsi vacibdir, çünki bu, sərhədlərin qorunmasına kömək edir. Bu istiqamətdə daha çox fəaliyyət potensialı və sərhədin qorunması imkanlarını görürük. ATƏT, monitorinq missiyası ilə birlikdə ekspert dəstəyi göstərməyə hazırdır. Biz hesab edirik ki, barışıq gələcəkdə sülhün qurulması prosesində çox mühüm elementdir və bu istiqamətdə daha çox iş görülməlidir.

Görüş çərçivəsində həmçinin iştirakçı ölkələrin ATƏT daxilində və yerli vəziyyətlə bağlı qarşılaşdığı ciddi məsələlərə toxundum, o cümlədən vətəndaş cəmiyyətinə, media nümayəndələrinə və jurnalistlərə aid olan məhdudlaşdırıcı qanunvericiliyə, demokratik idarəetmə ilə bağlı məsələlərə, son hadisələrə və QHT-lərin fəaliyyətinin məhdudlaşdırılmasına. Biz həmçinin müxalifət liderlərinin qeyri-proporsional hüquqi prosedurlar nəticəsində saxlanılmasını qınayırıq. İfadə və toplaşma azadlığı sual altındadır.

Vətəndaş cəmiyyəti sabitliyə təhlükə deyil, əksinə, qeyri-hökumət təşkilatları, insan haqları müdafiəçiləri, jurnalistlər və digərləri demokratik dayanıqlığın vacib tərkib hissəsidir. Onlar innovasiyaları təşviq edirlər və onların səsi təkcə eşidilməməli, həm də qorunmalıdır. Məhz buna görə də Gürcüstana səfərim vətəndaş cəmiyyəti ilə əməkdaşlığa yönəlib. Çox vacibdir ki, istənilən demokratik quruluşda xalqa seçim azadlığı verilsin – bu, Gürcüstan üçün də keçərlidir. Gürcüstan xalqı hansı gələcəyi istədiyinə özü qərar verir. Gürcüstan xalqı insan hüquqlarının, ifadə azadlığının və azadlıq prinsiplərinin qorunmasına layiqdir. Gürcüstan hökuməti bu böhrandan çıxış, etimadı bərpa və demokratik institutları gücləndirmək yollarını tapmalıdır. Bizim qurumlarımız Gürcüstana, Helsinkinin yekun aktında müəyyən edilmiş ortaq prinsiplər əsasında, öz öhdəliklərinin yerinə yetirilməsində dəstək verməyə hazırdır”, - deyə Elina Valtonen qeyd edib.