Parlament 15 oktyabrdan etibarən yığıncaq və mitinqlərlə bağlı qaydaların sərtləşdirilməsi təşəbbüsünün müzakirəsinə başlayır.

Aktual.ge xəbər verir ki, Cinayət Məcəlləsinə və İnzibati Xətalar Məcəlləsinə nəzərdə tutulan dəyişiklikləri Hüquq məsələləri komitəsi müzakirə edəcək, bundan sonra məsələ plenar iclasa çıxarılacaq.

Qanunvericilik paketi sürətləndirilmiş qaydada baxılacaq.

Dəyişikliklərə əsasən, yığıncaq və ya mitinq iştirakçısının üzünü maska ilə örtməsi, gözyaşardıcı və/və ya zəhərli maddə saxlaması, yolu bağlaması və ya müvəqqəti konstruksiya qurması ilk dəfə baş verdikdə 15 günədək inzibati həbs cəzası ilə nəticələnəcək. Əgər bu hərəkət aksiyanın təşkilatçısı tərəfindən törədilərsə, inzibati həbs 20 günədək olacaq.

Daxili İşlər Nazirliyinin tələbi ilə dayandırılmalı olan yığıncaq və ya mitinqdə iştirakın ilk halı 60 günədək inzibati həbs cəzası ilə nəticələnəcək. Eyni zamanda, toplantı zamanı silah, pirotexnika və ya digər şəxslərin həyat və sağlamlığına zərər vurmaq üçün istifadə oluna bilən əşyaları daşıyan şəxsə də 60 günədək inzibati həbs cəzası veriləcək.

Bu cür qadağan olunmuş hərəkətlərin təkrar törədilməsi bir ilədək azadlıqdan məhrumetmə ilə cinayət məsuliyyətinə səbəb olacaq, üçüncü və hər sonrakı eyni qanunsuz hərəkətlər isə iki ilədək azadlıqdan məhrumetmə ilə cəzalandırılacaq.

Bundan əlavə, Cinayət Məcəlləsinə yeni maddə əlavə olunur ki, bu maddəyə əsasən, hüquq-mühafizə orqanı əməkdaşına üçüncü dəfə təhqir edən və ya onun qanuni əmrinə tabe olmayan şəxs cinayət məsuliyyətinə cəlb ediləcək.

Qeyd edək ki, qanunvericilik paketinin müəllifləri və təşəbbüskarları “Gürcü Arzusu” partiyasının deputatlarıdır.