Bu ildən Azərbaycan Dövlət Neft Şirkətinin (SOCAR) Gürcüstandakı nümayəndəliyi, Dövlət univerisitetlərində təhsil alan Gürcüstan azərbaycanlılarının təhsil haqqını yeni meyarla ödəyəcək. Aktual.ge xəbər verir ki, yeni meyar 2020-2021-ci tədris ilində tələbənin azı 61 bal toplamasını tələb edir. Xatırladaq ki, SOCAR Gürcüstanda azərbaycandilli ictimai məktəbləri bitirmiş, Azərbaycan dilində imtahan verərək Gürcüstanın ali təhsil ocaqlarına qəbul olunmuş soydaşlarının təhsil haqlarını 2008-2009-cu tədris ilindən ödəyir.