Kvemo Kartli bölgəsinin Qardabani rayonunda son iki gündə koronavirusa yeni yoluxma halı qeydə alınmayıb. Aktual.ge xəbər verir ki, bu barədə rayon meri Ramaz Budaqaşvili bildirib. Merin sözlərinə görə, Qaracalar kəndində əhalinin tibbi müayinədən keçirilməsi davam etdirilir. Mer kənddə 39 nəfərin özünütəcriddə, 90 nəfərin isə karantində olduğunu deyib. Qeyd edək ki, Qardabanidə indiyədək COVID-19-a 63 yoluxma faktı təsdiqlənib, onların da 38-i Qaracalar kəndinin payına düşüb. Kənd iyulun 24-dən təcrid olunub.