Gürcüstanda son bir sutka ərzində yeni növ koronavirusa (COVID-19) 9 yoluxma halı qeydə alınıb. Aktual.ge bildirir ki, bu barədə Gürcüstan hökumətinin koronavirusla mübarizə çərçivəsində yaratdığı xüsusi internet saytında məlumat verilib. Məlumata əsasən, ölkədə koronavirusa yoluxanların sayı 1 206 nəfərə çatıb. Qeyd edək ki, Gürcüstanda koronavirus səbəbi ilə hazırda 7 071 nəfər karantində saxlanılır, 294 nəfər isə stasionar şəraitdə müalicə olunur. Yoluxanlardan 987 nəfərin sağaldığı, 17 nəfərin isə vəfat etdiyi bildirilir.