Tbilisidə müxalifət partiyaları Gürcüstanın hökumət binasının qarşısında mitinq keçirirlər. Aktual.ge xəbər verir ki, aksiyada müxalif "Vahid Milli Hərəkat" partiyasının sədri Nika Meliyanın həbsinə etiraz bildirilir. Əraziyə polis qüvvələri cəlb olunub, təhlükəsizlik tədbirləri gücləndirilib. Müxalifət liderləri mitinqdə iki əsas tələblərinin olduğunu söyləyirlər - Nika Melianın sərbəst buraxılması və erkən seçkilər. Eləcə də, bildirilir ki, bugünkü mitinqdə müxalifətin gələcək planlarını elan edəcəklər.