“Axalkalakidəki mübahisə hökumətin ölkədə cinayətkarlığın idarəsini “əldən verdiyinin” bariz nümunəsidir”. Aktual.ge xəbər verir ki, bunu Parlamentin müxalif "Avropalı Gürcüstan" partiyasının deputatı İrma Nadiraşvili ötən axşam Axalkalaki rayonunda baş verən, silahlı insidenti şərh edərkən söyləyib. Müxalif deputatın sözlərinə görə, Axalkalaki mənzərəsi bütövlükdə Gürcüstanda yaşadığımız ümumi vəziyyətin davamıdır. O, deyib ki, "Avropalı Gürcüstan" partiyasının adından dünən gecə Axalkalakidə yaşanan xaosdan dolayı narahatlığımızı bildirmək istəyirəm. "Hadisə nəticəsində bir nəfər həyatını itirdi, çox sayda gənc yaralandı. Şəhər mərkəzində onlarla insanın silahlarla atəş açdığına və qarşıdurmaya şahid olduq. Münaqişə şəhərin mərkəzindən, əsas təhlükəsizlik idarəsinin 15 metr məsafədəki xəstəxanaya köçürüldü və onlarla insan hələ də bir-birlərinə hesabat verirdi. Dünən bütün gecə evlərin, otellərin yandırıldığına şahid olduq. Dövlət isə bu münaqişəni dayandıra bilmədi, dünən və dünən gecə bütün gün davam edən iğtişaşların qarşısını almağı bacarmadı. Axalkalaki mənzərəsi hökumətin bütövlükdə ölkədəki cinayətkarlığa qarşı mübarizəni itirdiyini göstərir. Cinayətkarlar bu ölkənin ağaları və hökmdarları olduqlarını zənn edirlər və bu vəziyyətin yaranmasına Bidzina İvanişvili səbəb oldu”,- deyə İ.Nadiraşvili deyib. Məlumat üçün xatırladaq ki, ötən gün axşam saatlarında Axalkalakidə bir neçə nəfər arasında yaşanan qarşıdurma nəticəsində bir gənc öldürülüb. Daxili İşlər Nazirliyindən verilən məlumata əsasən, hadisə ilə bağlı bir nəfər saxlanılıb və istintaq davam edir.