"Nə bu mərhələdə, nə də o mərhələdə qarşıdurma olmayacaq, söz verirəm". Aktual.ge xəbər verir ki, bunu "Palitranius"un efirində qonaq olan hakim "Gürcü Arzusu"nun sədri İrakli Kobaxidze hazırkı mərhələdə onunla Baş nazir İrakli Qaribaşvili arasında bir qarşıdurmanın olub-olmadığına dair sualı cavablandırarkən belə deyib. Partiya sədri, son günlər onun vəzifəsini İ.Qaribaşvili əvəz edəcək və hakim partiyanın zəifləməsi barədə yayılan məlumatları fərziyyə adlandırıb. "Fərziyyələr var və bu fərziyyələr birbaşa IRI tərəfindən nəşr olunan araşdırma ilə əlaqəlidir. Bu sorğunun nəticələri müxalifət üçün çox sərt oldu. Bu araşdırmanı bir şəkildə ört-basdır etmək istədilər və şəffaf suda fərziyyə olan belə bir şey tapdılar. Komandaya gəldikdə, komandadakı funksiyalar açıq şəkildə bölüşdürülür və gələcəkdə bununla bağlı heç bir dəyişiklik planlaşdırılmır",-deyə İ.Kobaxidze diqqətə çatdırıb. Qeyd edək ki, son günlər "Gürcü Arzusu"nun sədri vəzifəsini İ.Qaribaşvilinin əvəz edəcəyi, Baş nazir nazirlə iqtidar lideri arasında ziddiyat olduğu və hakim partiyanın sədri İ.Kobaxidzenin gedəcəyi barədə yerli mətbuatda bir sıra xəbərlər yayılıb.