Tbilisinin Moskva prospektində baş verən yol qəzası nəticəsində piyada həyatını itirib.

Aktual.ge xəbər verir ki, piyadanı avtomobil vurub və o, hadisə yerində ölüb.

Daxili İşlər Nazirliyindən bildirilib ki, faktla bağlı Gürcüstan Cinayət Məcəlləsinin 276-cı maddəsi ilə araşdırma başlanıb. Maddə yol hərəkəti təhlükəsizliyi və ya nəqliyyat vasitəsinin istismarı qaydalarının pozulmasını nəzərdə tutur.