Tuşetidə avtomobil qəzası baş verib və nəticədə bir nəfər həyatını itirib.

Aktual.ge xəbər verir ki, hadisə gecə saatlarında Omalo kəndində, Ziyarətçilər Mərkəzinin yaxınlığında baş verib.

Məlumata görə, içərisində 5 nəfərin olduğu yüksək sürətlə hərəkət edən “Toyota” markalı avtomobil yoldan çıxaraq bir neçə dəfə aşıb.

Nəticədə sürücü hadisə yerində ölüb, 4 gənc isə xəsarət alıb. Onlar təcili tibbi yardım briqadası tərəfindən Telavi xəstəxanasına çatdırılıblar.

Həkimin sözlərinə görə, yaralıların vəziyyəti stabildir.

Hadisə ilə bağlı araşdırma aparılır.