Yaxın günlərdə isti hava fonunda Gürcüstanda qısamüddətli yağış və şimşək çaxacağı gözlənilir.

Aktual.ge xəbər verir ki, bu barədə Milli Ətraf Mühit Agentliyi məlumat verib.

Məlumata əsasən, paytaxt Tbilisidə 12-13 may tarixlərində qısamüddətli yağış və şimşək gözlənilir, 14 mayda isə yağmursuz hava olacaq. Havanın temperaturu gündüz saatlarında +24, +26 dərəcə təşkil edəcək.

Sahil bölgəsi:

Batumi, Kobuleti, Anaklia, Poti: 12-13 may tarixlərində qısamüddətli yağış və şimşək gözlənilir, 14 mayda isə hava açacaq. Havanın temperaturu gündüz +22, +24 dərəcə olacaq.

Kartli bölgəsi:

Rustavi, Bolnisi, Marneuli, Qardabani, Qori, Tsxinvali: qısamüddətli yağış və şimşək gözlənilir. Havanın temperaturu gündüz +24, +26 dərəcə olacaq.

Kaxeti:

Saqareco, Telavi, Qurcaani, Siğnaği, Laqodexi, Kvareli, Axmeta, Dedoplistskaro: qısamüddətli yağış və şimşək gözlənilir. Havanın temperaturu gündüz +25, +27 dərəcə olacaq.