Gürcüstan Milli Statistika Xidmətinin ("Sakstat") məlumatına görə, 2026-cı ilin iyul ayında ötən ilin eyni dövrü ilə müqayisədə ölkədə illik inflyasiya 5,5% təşkil edib. Ötən ayla müqayisədə isə qiymətlər səviyyəsi 0,4% azalıb.

Aktual.ge xəbər verir ki, bununla bağlı "Saksat" məlumat verib. 

Baza inflyasiyası iyul ayında 3,8%, tütün məhsulları nəzərə alınmadan hesablanan illik baza inflyasiyası isə 3,5% olub.

"Sakstat"ın məlumatına əsasən, iyul ayında ötən ilin eyni dövrü ilə müqayisədə ən çox ucuzlaşan məhsullar arasında sarımsaq, mandarin və portağal ilk sıralarda yer alıb.

İyul ayında illik müqayisədə ən çox ucuzlaşan 10 məhsul:

• - Sarımsaq – 31,6%
• - Mandarin – 31%
• - Portağal – 21%
• - Limon – 21%
• - Kartof – 18,6%
• - Kivi – 18%
• - Televizor – 17%
• - Soyuducu – 17%
• - Paltaryuyan maşın – 15,5%
• - Şəkər – 13%