2026-cı ilin yanvar-iyun aylarında Gürcüstanda 17 min 509 diri doğum qeydə alınıb, eyni dövrdə ölkədə 22 min 224 nəfər vəfat edib.

Aktual.ge xəbər verir ki, bu barədə Milli Statistika Xidməti ("Saksat") məlumat verib.

Məlumata görə, 2026-cı ilin ilk yarısında təbii artım (diri doğulanların və ölənlərin sayı arasındakı fərq) -4 715 nəfər təşkil edib. Təbii artımın müsbət göstəricisi yalnız Tbilisidə (424 nəfər) və Acara Muxtar Respublikasında (330 nəfər) qeydə alınıb.

2026-cı ilin ilk 6 ayında 10 006 nikah və 6 095 boşanma halı qeydə alınıb.

Statistika məlumatlarına əsasən, 2026-cı ilin dəqiqləşdirilmiş məlumatları 2027-ci ilin mart ayının sonunda əlçatan olacaq.