Tbilisinin 20 uşaq bağçasından azı 55 uşaq və bir tərbiyəçi zəhərlənmə əlamətləri ilə xəstəxanaya yerləşdirilib.

Aktual.ge xəbər verir ki, bu barədə Maliyyə Nazirliyinin İstintaq Xidməti məlumat yayıb.

Qurumun məlumatına görə, uşaqlar və tərbiyəçi tibbi yardım üçün Tbilisinin altı xəstəxanasına müraciət ediblər.

İlkin olaraq müəyyən edilib ki, zəhərlənməyə uşaq bağçalarında verilən qida səbəb ola bilər. Söhbətin bakterial infeksiyadan getdiyi ehtimal olunur.

Faktla bağlı cinayət işi açılıb.