Marneulidə uşaq bağçasında da uşaqlar zəhərlənib

Aktual.ge xəbər verir ki, bu barədə yerli valideynlərdən biri Mtaravariyə məlumat verib. Onun sözlərinə görə, Marneulinin 3 saylı uşaq bağçasının qruplarından birində uşaqların kütləvi intoksikasiya (zəhərlənmə) halı 2 gün əvvəl aşkarlanıb.

Uşaqlarda qusma və qarın ağrısı müşahidə olunub. Valideynin məlumatına görə, uşaqlara sistem köçürülməsi (damardaxili infuziya) lazım olub. Onun bildirdiyinə görə, təxminən 10–12 uşaq zəhərlənib.