Qlobal birjalarda qızıl yenidən bahalaşıb.

Aktual.ge xəbər verir ki, 3 iyul ticarət əməliyyatlarının nəticələrinə görə, 1 unsiya qızılın qiyməti 63 dollar artaraq 4 175 dollar təşkil edib.

"Gold Price"-ın məlumatına görə, gün ərzində qiymətli metalın qiyməti 1.5% artıb. Son bir ay ərzində qızıl 8.2%-lik azalma nümayiş etdirsə də, illik müqayisədə 23%-lik artım qeydə alınır.

Bənzər tendensiya gümüş bazarında da müşahidə olunur. Son ticarət əməliyyatlarının nəticələrinə görə, gümüşün qiyməti 1.79 dollar (2.9%) artaraq 1 unsiyası 62.4 dollar olub.

Günlük artımdan asılı olmayaraq, son bir ay ərzində gümüş 17% ucuzlaşıb, illik müqayisədə isə 64%-lik artım qeydə alınır.

Gürcüstanda 1 qram qızıl və gümüşün qiyməti neçəyədir?

3 iyul tarixinə olan məlumata görə, 1 qram 999 əyarlı qızılın qiyməti orta hesabla 361 lari təşkil edirdi, bu gün isə qiymətli metalın qiyməti təxminən 364 laridir.

Gümüşə gəldikdə isə, 1 qram 999 əyarlı gümüşün qiyməti dünən 5.07 lari idi, bu gün isə qiymət 5.29 lariyə qədər yüksəlib.