"Yeni il tətilindən sonra siyasi partiyalar arasında danışıqlar davam edəcək". Aktual.ge xəbər verir ki, bunu Parlament çoxluğunun lideri İrakli Kobaxidze deyib. Kobaxidzenin sözlərinə görə, o, parlamentin çoxpartiyalı olacağına əmindir. "Danışıqların beşinci turunu gözləyirik. Vasitəçi səfirlər ilə məsləhətləşmələr aparacağıq. Düşünürəm ki, Yeni il tətillərindən sonra danışıqlar davam edəcəkdir. Ümidvaram ki, yanvar ayının sonuna qədər hər şey aydınlaşdırılacaq və nəticədə çoxpartiyalı parlament əldə edəcəyik", - deyə İrakli Kobaxidze bəyan edib.